Glöggir netverjar telja það næstum því öruggt að Federico Chiesa verði leikmaður Liverpool áður en glugginn lokar á föstudag.
Hegðun hans á Instagram hefur vakið athygli en þar er hann að líka við færslur hjá Luis Diaz kantmanni Liverpool, Chiesa er þrátt fyrir það ekki að fylgja kantmanninum á miðlinum.
Þá hefur verið tekið eftir því að Chiesa er byrjaður að fylgja Steven Gerrard og Virgil van Dijk á miðlinum og þeir honum.
Kantmaðurinn frá Ítalíu má fara en Liverpool er eina liðið sem hefur farið í formlegar viðræður við Juventus.
Kaupverðið verður 15 milljónir evra og Chiesa hefur látið vita að hann vilji fara til Liverpool
Chiesa myndi styrkja sóknarleik Liverpool en Thiago Motta nýr stjóri Juventus vill ekki hafa Chiesa hjá félaginu.