Sádiarabíska félagið Al-Hilal hefur lagt fram risatilboð í Kingsley Coman, leikmann Bayern Munchen. Fabrizio Romano segir frá þessu.
Hinn 28 ára gamli Coman hefur verið orðaður frá Bayern undanfarið, en félög á Englandi sem og spænska stórliðið Barcelona hafa áhuga á leikmanninum.
Nú gæti Al-Hilal, sem er meistari í Sádí, hins vegar verið að stela honum fyrir framan nefið á stórliðunum.
Coman, sem hefur verið hjá Bayern síðan 2015 og á enn þrjú ár eftir af samningi sínum, hefur ekki tekið ákvörðun með hvort eða hvert hann vilji fara áður en félagaskiptaglugganum verður skellt í lás um mánaðarmótin.