Lars Lagerback, fyrrum landsliðsþjálfari Íslands, minnist félaga síns og samlanda, Sven-Göran Eriksson, í fallegri kveðju sem Viaplay í Svíþjóð birti fyrir skömmu.
Eriksson lést í dag eftir baráttu við krabbamein í brisi. Hann greindi frá veikindum sínum snemma á þessu ári. Um er að ræða fyrrum landsliðsþjálfara Englands, sem og liða eins og Manchester City, Roma, Lazio og Fiorentina.
„Sven-Göran var alltaf sami hógværi og venjulegi maðurinn þegar maður hitti hann. Þrátt fyrir ótrúlegan árangur hans breyttist það ekki,“ skrifar Lars í kveðju sinni.
„Hvíldu í friði.“
Eriksson sendi heiminum sína síðustu kveðju í gegnum heimildamynd á Amazon á dögunum.
„Ég hef átt gott líf. Við erum öll hrædd við að hugsa til dagsins þar sem þetta klárast, þegar við deyjum. En lífið snýst líka um dauðann. Þú verður að samþykkja hann fyrir það sem hann er,“ sagði hann.
Meira
Sven-Göran Eriksson látinn eftir baráttu við krabbamein