Burnley hefur náð samkomulagi við Manchester United um kaup á Hannibal Mejbri miðjumanni félagsins.
Miðjumaðurinn frá Túnis er ekki í plönum United en hann var lánaður til Sevilla á síðustu leiktíð.
Burnley féll úr ensku úrvalsdeildinni í vor en margir leikmenn hafa yfirgefið liðið á síðustu vikum, þar á meðal Jóhann Berg Guðmundsson.
Hannibal er í læknisskoðun hjá Burnley sem mun kaupa hann frá United sem fær einnig prósentu af næstu sölu, ef hún verður.
Hannibal er mjög kraftmikill miðjumaður en hann er harður í horn að taka.