Jermaine Jenas hefur viðurkennt það að hafa sent óviðeigandi skilaboð til samstarfsmanna er hann var hjá BBC Sport.
Jenas var rekinn úr starfi fyrir helgi fyrir að senda eins og áður sagði óviðeigandi skilaboð til kvenkyns starfsmanna stöðvarinnar.
Jenas harðneitaði öllum sögusögnum til að byrja með en hefur nú játað upp á sig sökina og segist vera að glíma við ákveðið ‘vandamál.’
,,Ég skammast mín og er miður mín yfir því sem átti sér stað. Ég hef brugðist sjálfum mér, fjölskyldu, vinum og samstarfsmönnum,“ sagði Jenas.
,,Ég skulda öllum afsökunarbeiðni – sérstaklega þessum konum sem ég vann með. Ég biðst afsökunar.“
,,Ég vorkenni þeim, hvað þær þurftu að ganga í gegnum. Það er sanngjarnt að segja að ég glími við ákveðið vandamál.“