Það er útlit fyrir það einn vinsælasti fótboltaþáttur í sögunni sé mögulega að snúa aftur en um er að ræða þáttaröðina um Ted Lasso.
Ted Lasso serían vakti mikla athygli á sínum tíma en þar er fjallað um Bandaríkjamann sem tekur við liði í ensku úrvalsdeildinni.
Þetta lið ber heitið AFC Richmond sem spilar þó ekki í úrvalsdeildinni í veruleikanum – þessir þættir fengu frábærar móttökur á sínum tíma.
Nick Mohammed, einn af aðalleikurum Ted Lasso, hefur nú skrifað athyglisverð skilaboð á Twitter eða X eins og samskiptamiðillinn heitir í dag.
Mohammed hefur lengi barist fyrir fjórðu seríu af Ted Lasso og ekki hikað við það að tala opinberlega um það mál.
,,Ég sagði ykkur það,“ skrifaði Mohammed á X og virðist gefa í skyn að fjórða serían af Ted Lasso verði gefin út en hvenær það gerist er óljóst.
told ya! 😂
— Nick Mohammed (@nickmohammed) August 24, 2024