Það kom mörgum á óvart þegar Ipswich komst yfir gegn Manchester City í ensku úrvalsdeildinni í dag.
Sammie Szmodics var að byrja sinn fyrsta leik fyrir Ipswich og skoraði eftir aðeins sjö mínútur.
Ipswich eru nýliðar í deildinni og eru að spila gegn meisturum City sem hafa unnið deildina fjögur ár í röð.
Það tók City alls ekki langan tíma að snúa blaðinu við en eftir 15 mínútur var staðan orðin 3-1 fyrir heimamönnum.
Erling Haaland skoraði fyrst á 11. mínútu úr vítaspyrnu, Kevin de Bruyne bætti við öðru þremur mínútum síðar og svo aðeins mínútu eftir annað markið skoraði Haaland aftur.
Svakalegur viðsnúningur hjá City sem skoraði þjrú mörk á fjórum mínútum.