Martin Ödegaard, fyrirliði Arsenal, viðurkennir að hann hafi verið ansi pirraður eftir skipti til Real Madrid árið 2015.
Ödegaard var þá einn efnilegasti leikmaður heims en hann kom til Real aðeins 16 ára gamall eftir að hafa spilað í norsku úrvalsdeildinni.
Norðmaðurinn fékk þó aldrei alvöru tækifæri á að sanna sig á Santiago Bernabeu og var að lokum seldur til Englands.
Ödegaard segir að það hafi verið pirrandi að fólk hafi horft á hann sem lítinn krakka á þessum tíma frekar en leikmann sem var til í að gera allt til að ná árangri og hjálpa til.
,,Þetta var pirrandi. Allir horfðu á mig eins og ég væri lítill krakki en þú vilt bara vera venjulegur leikmaður eins og aðrir,“ sagði Ödegaard.
,,Það er í raun eðlilegt þegar þú færð að spila á þessum aldri, þú vekur meiri athygli en um leið og þú verður eldri og færð meiri spilatíma þá byrjar fólk að gleyma því hversu gamall þú ert og horfir á gæðin.“
,,Þeim verður að lokum sama hversu gamall þú ert og það er það mikilvægasta í þessu.“