Jamie Carragher hvetur alla leikmenn til að sleppa því að semja við Chelsea sem hefur verið duglegt að eyða peningum undanfarin tvö ár.
Þessi eyðsla hefur ekki borgað sig hingað til en Chelsea er enn að skoða nýja leikmenn þrátt fyrir að hafa eytt yfir milljarð punda.
Carragher skilur ekki af hverju leikmenn vilji ganga í raðir Chelsea sem er að gefa ákveðnum aðilum allt að níu ára samninga á Stamford Bridge.
,,Chelsea þarf að hætta að kaupa leikmenn og leikmenn þurfa að hætta að semja við Chelsea,“ sagði Carragher.
,,Ég skil ekki af hverju þeir gera það, ef ég væri leikmaður í dag, af hverju myndi ég fara til Chelsea?“
,,Eina ástæðan er líklega að umboðsmaður hans talar um sjö ára samning á góðum launum – það eru góð laun í langan tíma.“
,,Hafðu trú á sjálfum þér sem leikmanni. Skrifaðu frekar undir fjögurra ára samning hjá öðru félagi.“