Jarrod Bowen, leikmaður West Ham á Englandi, gæti svo sannarlega þurft að opna veskið er hann giftist unnustu sinni, Dani Dyer.

Þetta segir vinkona Dani í samtali við Heat World en Bowen bað kærustu sinnar í síðasta mánuði.

Samkvæmt vinkonu Dani vill hún rándýrt brúðkaup og er til í að borga allt að eina milljón punda eða um 180 milljónir króna svo allt verði fullkomið.

Bowen fær vel borgað sem leikmaður West Ham og enska landsliðsins en hvort hann sé á sama máli varðandi verðmiðann er ekki vitað.

Dani og Bowen hafa verið í sumarfríiu saman undanfarnar vikur en búist er við að þau gifti sig seinna á þessu ári eða í byrjun næsta árs.

,,Dani er svo spennt. Hún er nú þegar byrjuð að vinna í draumnum. Hún mun ráða sérfræðing til að sjá um brúðkaupið svo allt verði upp á tíu eins og hún ímyndaði sér,“ sagði vinkonan.

,,Hún vill ekki lítið eða einfalt brúðkaup, hún vill að þetta verði alvöru veisla og henni er alveg sama þó það kosti eina milljón[punda]. Hún vill að allir vinir sínir og fjölskylda mæti á staðinn.“