Ilkay Gundogan vill óvænt snúa aftur til Manchester City og hefur lagt inn félagaskiptabeiðni til Barcelona.
Spænska blaðið Sport heldur þessu fram, en Gundogan gekk í raðir Börsunga á frjálsri sölu frá City síðasta sumar.
Hann átti hins vegar ekki sitt besta tímabil í Katalóníu og vill þessi 33 ára gamli leikmaður nú snúa aftur til City, þar sem hann hefur unnið allt sem hægt er að vinna.
Pep Guardiola, stjóri City, kveðst vera í leit að liðsstyrk og gæti nú farið í mann sem hann þekkir vel.