Einn stjórnarformaður hjá liði í ensku úrvalsdeildinni telur eðlilegt að City fá 70-80 stig í mínus verði hægt að sanna brot félagsins.
115 ákærur á hendur Manchester City verða teknar fyrir um miðjan september og er búist við að yfirheyrslur og rökræður taki tíu vikur.
Enska sambandið ákærði City í febrúar árið 2023 fyrir að brjóta 115 sinnum á reglum um fjármögnun félaga.
Times segir frá því að málið verði tekið fyrir um miðjan september og er búist við að vitnaleiðslur taki tíu vikur.
Óháð nefnd mun svo kveða upp dóm sinn en búist er við niðurstöðu í byrjun janúar.
„Það sem ég hef heyrt er að eðlileg refsing sé að taka af þeim stig, við erum þá að tala um 70-80 stig,“ segir þessi stjórnarformaður við Times.
„Það myndi tryggja það að City myndi falla niður í Championship deildina.“