Manchester United hefur látið Christian Eriksen vita að hann geti farið frá félaginu ef hann vill.
Eriksen verður í litlu hlutverki í ár ef allt fer eftir planinu hjá Erik ten Hag.
Eriksen er 32 ára gamall en hann hefur verið hjá United í tvö ár.
Hann var í mjög stóru hlutverki á fyrstu leiktíð sinni en fékk ekki mörg tækifæri á síðustu leiktíð.
Eriksen missti sæti sitt í liðinu á kostnað Kobbie Mainoo sem spilaði flesta leiki eftir áramót.
Eriksen hefur verið orðaður við endurkomu til Ajax en óvíst er hvort hann fari en United setur ekki háan verðmiða á þann danska.