Erik ten Hag stjóri Manchester United hefur mikla trú á Luke Shaw bakverði liðsins og að hann komi sterkur til baka.
Margir stuðningsmenn United eru pirraðir út í Shaw sem hefur ekki spilað leik með liðinu frá því í febrúar.
Hann var hins vegar í fullu fjöri með enska landsliðinu á EM. Shaw mætti til æfinga í síðustu viku eftir frí og meiddist strax.
„Á fyrsta tímabili mínu hérna þá spilaði hann mikið og ég er öruggur á því að hann finnur þann takt,“ segir Ten Hag.
„Hann er bara 29 ára gamall, hann hefur spilað lengi fyrir United.“
„Ég talaði við Luke, hann hefur gríðarlegan metnað fyrir United. Ég hef mikla trú á því að hann komi fljótt aftur og hjálpi okkur.“
