Sven Goran Eriksson, fyrrum landsliðsþjálfari Englands, hefur varað þjálfara við því að taka við starfinu af Gareth Southgate.
Southgate lét af störfum eftir EM í sumar og er óljóst hver mun taka við starfinu endanlega – Lee Carsley mun sjá um verkefni liðsins í september.
Eriksson segir að pressan sé gríðarleg á nýjum þjálfara sem stígur inn og að hann vorkenni þeim sem ákveður að taka skrefið.
,,Ímyndiði ykkur pressuna sem nýr þjálfari þarf að taka í þessu starfi,“ sagði Eriksson.
,,Southgate komst í tvo úrslitaleiki og einn undanúrslitaleik og það er ekki nógu gott fyrir þá ensku. Sá sem tekur við þarf að vinna, allt annað eru vonbrigði.“
,,Ég vorkenni þeim sem tekur við starfinu, ef hann vinnur ekki stórt mót þá fær hann gagnrýni sem og hans leikmenn. Þetta verður að vera hugrakkur maður.“