Chelsea mun líklega losa átta aðalliðsleikmenn í þessum glugga en félagið er að leitast eftir því að fá pening í kassann fyrir gluggalok.

Chelsea er að kaupa Pedro Neto frá Wolves á rúmlega 50 milljónir punda og þarf að gera pláss fyrir hann í hópnum.

Samkvæmt enskum miðlum eru allar líkur á að átta leikmenn kveðji fyrir lok gluggans og þar á meðal tveir markmenn, Kepa Arrizabalaga og Djordje Petrovic.

Sumir leikmenn verða sendir annað á láni eins og Marc Guiu, Carney Chukwuemeka og Lesley Ugochukwu.

Chelsea mun þó reyna að losa sig endanlega við Trevoh Chalobah og Romelu Lukaku sem eru á óskalista nokkurra liða í Evrópu.

Áttundi leikmaðurinn er Cesare Casadei sem spilar á miðjunni og gæti hann verið seldur eða lánaður í glugganum.

Conor Gallagher er ekki tekinn með í þessari frétt en hann hefur nú þegar náð samkomulagi við Atletico Madrid.