Kantmaðurinn Nani hefur skrifað undir eins árs samning við Estrela da Amadora í Portúgal.
Um er að ræða uppeldisfélagið hans en Nani er 37 ára gamall kantmaður.
Nani hóf ferilinn ungur með Estrela da Amadora en fór þaðan til Sporting Lisbon þar sem hann lék fyrst í meistaraflokki.
Estrela da Amadora verður tíunda félag Nani á atvinnumannaferlinum og líklega það síðasta.
Nani lék síðast með Adana Demirspor í Tyrklandi en samningur hans þar rann út í sumar. Nani lék lengi vel með Manchester United.
Hann yfirgaf United árið 2015 og hefur síðan þá spilað í Tyrklandi, Bandaríkjunum, Ástralíu og fleiri löndum.