Julian Nagelsmann er maðurinn sem um ræðir en því miður fyrir hann og hans menn féll Þýskaland úr leik í 8-liða úrslitum EM á heimavelli gegn Spáni á föstudagskvöld.
Nagelsmann hefur áður þjálfað Hoffenheim, RB Leipzig og Bayern Munchen í heimalandinu en er hann var hjá fyrstnefnda félaginu mætti Guðmundur með son sinn, Albert Guðmundsson, á reynslu.
Þarna var Nagelsmann að vísu að þjálfa yngra lið Hoffenheim á þessum tíma og Albert var ekki enn farinn út í atvinnumennsku.
„Ég fór með Albert á reynslu til Hoffenheim þegar hann var 15 ára. Hann æfir með U18 ára liðinu sem Nagelsmann var að þjálfa. Ég var þarna í viku með Alberti á öllum æfingum og Nagelsmann var alltaf með á æfingunum. Æfingarnar voru 2-3 tímar, þangað til hann vann. Þetta var í alvöru þannig,“ rifjaði Guðmundur upp og hló.
„Þarna varstu með stórt lið í Þýskalandi og þjálfarinn hjá aldursflokknum sem fer í raun upp í aðalliðið var bara með á æfingum. Hann þurfti að hætta út af meiðslum en þarna sá hann tækifæri til að láta ljós sitt skína.“
Nagelsmann er aðeins 36 ára gamall en var ungur farinn út í þjálfun þar sem hann hætti sjálfur knattspyrnuiðkun vegna meiðsla.