Markvörðurinn Adam Ingi Benediktsson hefur verið seldur frá sænska úrvalsdeildarliðsins Gautaborg til B-deildarliðs Östersund.
Hinn 21 árs gamli Adam kom inn í U-19 ára lið Gautaborgar árið 2019 en hefur verið viðloðinn aðalliðið síðan 2021 og spilað 12 leiki fyrir það. Á þessum tíma var hann einnig lánaður til C-deildarliðsins Trollhattan um stutt skeið árið 2022.
„Ég vil þakka Gautabborg og öllum stuðningsmönnunum,“ segir Adam er hann kveður félagið.
„Hann hefur vaxið sem leikmaður og manneskja. Nú er hann tilbúinn að taka næsta skref og fá reglulegan spiltíma. Ég óska honum alls hins besta hjá Östersund,“ segir Ola Larsson, yfirmaður íþróttamála hjá Gautaborg, um Adam.
Adam á að baki sex leiki fyrir U-21 árs landslið Íslands.