Alan Shearer, goðsögn Newcastle, hefur tjáð sig eftir að félagið neyddist til að selja leikmenn eins og Elliot Anderson sem skrifaði undir samning við Nottingham Forest.

Newcastle þurfti að selja til að standast fjárlög ensku úrvalsdeildarinnar og er von á að fleiri leikmenn séu á förum á næstu vikum.

Margir eru óánægðir með hvernig kerfið á Englandi virkar en önnur lið eins og Aston Villa eru á hættusvæði fyrir komandi tímabil.

,,Augljóslega þá hefur Newcastle þurft að selja leikmenn vegna þess. Ég er ánægður með þau viðskipti sem hafa átt sér stað og er ánægður með að Alexander Isak og Bruno Guimaraes séu ekki farnir annað,“ sagði Shearer.

,,Ég veit að Anderson elskaði að spila fyrir Newcastle en vonandi fær hann fleiri mínútur hjá Nottingham Forest og getur sýnt heiminum hversu góður hann er.“

,,Þessar reglur fara ekki vel í mig. Ef Newcastle hefði ekki selt Anderson eða Yankuba Minteh þá þyrftu þeir að selja stórstjörnu til að fylgja þessum lögum. Hvaða skilaboð eru þessar reglur að senda? Ég er ekki ánægður með þetta.“