Það er ekkert frábært landslið á EM í Þýskalandi ef þú spyrð fyrrum knattspyrnustjórann og nú sparkspekinginn Harry Redknapp.
Redknapp hefur séð alla leiki Englands á EM hingað til en næsti andstæðingur liðsins er Sviss í 8-liða úrslitum í dag.
Redknapp segir að öll stórliðin hafi ekki staðist væntingar á mótinu til þessa og eru margir sem taka undir þau ummæli.
England hefur ekki heillað marga ef einhvern á mótinu og þarf að sýna sitt rétta andlit til þess að slá Sviss úr leik sem hefur átt flott mót.
,,Það er ekkert frábært lið á þessu móti. Ekki eins og spænska landsliðið með Xavi og Andres Iniesta eða Frakkland með Zinedine Zidane og Thierry Henry,“ sagði Redknapp.
,,Sviss átti skilið að vinna gegn Ítalíu en það sannar líka bara þann punkt að stórliðin eru ekki frábær. Ég er ekki að sýna neina vanvirðingu en hversu margir í Sviss myndu komast í enska landsliðið?“
,,Manuel Akanji er möguleiki og einhverjir myndu kalla eftir því að Granit Xhaka fengi pláss. Fyrir mig er Akanji sá eini.“