Knattspyrnugoðsögnin Roy Keane hefur grínast með það að hann ætli að flýja land ef England vinnur EM í Þýskalandi.
England spilar við Sviss í 8-liða úrslitum í dag og er í raun ekki talið sigurstranglegra miðað við frammistöðuna á mótinu hingað til.
Keane hefur alls ekki verið hrifinn af leik Englands en hann er sjálfur írskur en hefur búið í Englandi til margra ára.
Fáir búast við að England fagni sigri í mótinu og er Keane svo sannarlega einn af þeim.
,,Þegar við erum í sjónvarpinu þá þurfum við að hrósa Manchester City, ef eitthvað lið vinnur bikar þá er ekki annað hægt en að gefa því hrós,“ sagði Keane.
,,Ég myndi augljóslega flýja land ef þeir vinna mótið – ég myndi örugglega enda í Melbourne eða Sydney.“
