Marcus Rashford framherji Manchester United virðist vera til sölu í sumar og fer félagið fram á 80 milljónir punda.

Ensk blöð segja í dag að ástæða þess að United sé tilbúið að hlusta á tilboð sé slæmt samband framherjans og Erik ten Hag.

Rashford var slakur á síðustu leiktíð og hegðun hans utan vallar var einnig til vandræða.

Þannig fór Rashford á tveggja daga djamm í Írlandi og hringdi sig svo inn veikan á æfingu hjá United, eitthvað sem fór illa í þjálfarann.

PSG hefur ekki áhuga á að kaupa Rashford og óvíst er hvaða félag er tilbúið að borga þessa upphæð fyrir Rashford.

Untied hefur æfingar eftir helgi þar sem Rashford mætir á svæðið ásamt þeim sem tóku ekki þátt í Evrópumótinu.