Riyad Mahrez fyrrum leikmaður Manchester City og áhrifavaldurinn Taylor Ward gengu í það heilaga í vikunni. Veislan fór fram við Lake Como á Ítalíu. Ensk blöð segja frá.

Mahrez og Ward voru að gifta sig í þriðja sinn en þau giftu sig í London á síðasta ári en héltu svo almennilega veislu á Ítalíu í vikunni.

Mahrez er leikmaður Al-Ahli í Sádí Arabíu í dag en hann kemur frá Alsír en Ward er frá Englandi.

Ward var áður í sambandi með Kun Aguero sem var samherji Mahrez hjá City.

Veislan fór fram í Villa Balbiano sem er sami staður og Gylfi Þór Sigurðsson og Alexandra Helga Ívarsdóttir giftu sig árið 2019.

Staðurinn virðist vinsæll til giftinga en fjöldi fólks mætti í partýið hjá Mahrez og Ward. Leona Lewis var á meðal þeirra sem kom fram í brúðkaupinu.

Að leigja Balbiano kostar tæplega 30 milljónir á viku.