Það er enn óvíst hvað Mason Greenwood gerir í sumar en sem stendur er hann formlega séð leikmaður Manchester United.

Greenwood var á láni hjá Getafe á síðustu leiktíð og stóð sig með prýði. Hann hefur því verið orðaður við nokkur stórlið í sumar.

Nú segja ítalskir miðlar að bæði Lazio og Marseille hafi áhuga á kappanum.

Jafnframt er Lazio sagt vera að undirbúa tilboð upp á 21 milljón punda. Það er nokkuð frá verðmiða United en er ítalska félagið til í að setja samninginn upp þannig að Rauðu djöflarnir fái 50 prósent af næstu sölu.

Samningur Greenwood við United rennur út eftir næstu leiktíð en hann virðist ekki eiga framtíð á Old Trafford.