Victor Osimhen er víst ekki á leið til Chelsea ef marka má orð umboðsmanns hans, Roberto Calenda.
Calenda var reiður er hann tjáði sig um nýjustu sögusagnirnar þar sem Osimhen er orðaður við enska stórliðið.
Talað er um að Chelsea gæti fengið Osimhen í skiptum fyrir Romelu Lukaku sem þekkir Antonio Conte, stjóra Napoli, ansi vel.
Calenda segir að um kjaftasögur sé að ræða og að enginn svoleiðis skiptidíll sé í umræðunni.
,,Ég las einhverjar lygasögur um skipti Victor eins og hann væri pakki sem þyrfti að afhenta fljótlega,“ sagði Calenda.
,,Þessi ‘pakki’ var hins vegar markahæsti leikmaður Napoli er liðið vann sinn þriðja deildarmeistaratitil. Virðing á hans nafn og hættiði að búa til falsfréttir!!!“