Liverpool er í viðræðum við Las Palmas á Spáni um að bæta við einum æfingaleik, Arne Slot hefur áhyggjur af því að stjörnur Liverpool spili ekki nóg.
Margir lykilmenn Liverpool eru ekki mættir til æfinga og mæta ekki fyrr en á mánudag.
Ástæðan er þáttaka þeirra á Evrópumótinu og í Copa America.
Slot er farinn að hafa áhyggjur af því að leikmenn eins og Trent Alexander-Arnold og Virgil van Dijk komist ekki í gírinn nema að bæta við einum æfingaleik.
Þessir menn munu ekki mæta í æfingaferð liðsins í Bandaríkjunum og reynir Slot að fá þennan aukaleik til að komast í gang.