Karlalið Breiðabliks er úr leik í Sambandsdeildinni eftir 1-0 tap gegn Drita í Kosovo í dag. Samanlagt vann Drita 3-1.
Fyrri leikur liðanna fór 2-1 í Kópavogi en Blikar fundu aldrei taktinn í leiknum í dag.
Blikar sköpuðu sér fá tækifæri í leiknum en Ísak Snær Þorvaldsson fékk besta færið í síðari hálfleik.
Blikar eru því úr leik í Evrópu en Stjarnan, Víkingur og Valur mæta til leiks á fimmtudag.
Breiðablik fór á eftirminnilegan hátt í riðlakeppnina í fyrra en nú er ljóst að það verður ekki endurtekið í ár.