Raphael Varane, fyrrum varnarmaður Manchester United og Real Madrid, hefur skrifað undir samning við Como.
Þetta hefur ítalska félagið staðfest en þessi skipti hafa legið í loftinu undanfarna daga.
Varane var lengi einn besti varnarmaður Frakka en hann er enn aðeins 31 árs gamall og mun reyna fyrir sér á Ítalíu.
Það hefur tekið Como dágóðan tíma að tryggja þjónustu Varane sem gerir tveggja ára samning.
Frakkinn kemur á frjálsri sölu eftir dvöl í Manchester en er á meðal launahæstu leikmanna Como.
