Það eru margir sem muna eftir leikmanni sem ber nafnið Yaya Sanogo sem er 31 árs gamall framherji í dag.
Sanogo spilar í Kína í dag en hann var keyptur til Arsenal árið 2013 og átti að vera næsta vonarstjarna Frakklands.
Sanogo stóðst alls ekki væntingar hjá Arsenal og eftir lánsdvöl hjá Crystal Palace sem og Ajax var hann seldur til Toulouse í heimalandinu árið 2017.
Ferill Sanogo náði aldrei hæstu hæðum en meiðsli setti strik í reikninginn hjá Toulouse sem fékk hann til að íhuga að gefast upp.
,,Þetta átti sér stað á verstu tímum COVID-19, eftir þrjú tímabil hjá Toulouse. Ég var í einangrun í 14 daga og gat ekki hitt aðra manneskju,“ sagði Sanogo.
,,Eftir það þá komust læknarnir að vandamáli með öxlina á mér og ég þurfti að fara í aðgerð og endurhæfingu í þrjá mánuði, samkvæmt þeim.“
Sanogo fer enn dýpra í málið og viðurkennir að hann hafi íhugað að hætta í fótbolta aðeins 27 ára gamall.
,,Já auðvitað íhugaði ég að gefast upp, stundum sagði ég sjálfum mér að ég væri dauður. Þegar ég var 16 ár gamall var mér sagt að framlína franska landsliðsins yrði Karim Benzema og Yaya Sanogo.“
,,Ég hafði þó trú og gat ekki hætt. Ég vildi klára mína sögu. Það komu tímar þar sem allt var erfitt. Hjá Auxerre íhugaði ég að hætta en ég gafst aldrei upp. Þetta hjálpaði mér að þroskast bæði innan sem utan vallar.“