Ederson, markvörður Manchester City, hefur viðurkennt það að hann verði ekki endilega áfram í Manchester borg í vetur.
Ederson er orðaður við Sádi Arabíu í dag þar sem hann myndi þrefalda laun sín sem knattspyrnumaður.
Brassinn hefur lengi verið aðalmarkvörður City og gæti nú verið kominn tími á að leita annað í leit að nýju verkefni.
,,Ég er ekki búinn að taka ákvörðun um framhaldið. Það var góð tilfinning að heyra Pep Guardiola hrósa mér,“ sagði Ederson.
,,Ég er á mínu áttunda tímabili hérna og hef upplifað mörg góð augnablik en einnig nokkur slæm. Pep er náungi sem er þægilegt að vinna með, hann er knattspyrnusnillingur og allir vita það.“
,,Ég er rólegur og það sem gerist er í höndum Guðs og hann veit hvert ég á að fara. Það sem hann ákveður, ég verð ánægður með þá ákvörðun.“