17 ára strákur gæti óvænt fengið tækifæri með aðalliði Arsenal í vetur en um er að ræða Ethan Nwaneri sem ekki allir kannast við.
Nwaneri er afar efnilegur leikmaður og spilaði með Arsenal í 2-1 sigri á Manchester United í æfingaleik um helgina.
Nwaneri spilaði fyrri hálfleik Arsenal í sigrinum og þótti standa sig mjög vel og vakti þónokkra athygli.
Hann lék sinn fyrsta deildarleik fyrir Arsenal aðeins 15 ára gamall en hefur lítið sem ekkert spilað síðan þá.
,,Þetta er alltaf í höndum leikmannsins svo sýndu okkur hvað þú geture gert, sýndu ákveðni og metnað,“ sagði Arteta.
,,Þú þarft að sýna eigin gæði og hlutirnir munu svo gerast með tímanum. Hann mun æfa með okkur áfram og ef hann heldur áfram að sýna það sama þá fær hann að spila á miðvikudaginn.“