Leny Yoro, nýr leikmaður Manchester United, er að flytja inn í fyrrum hús leikmanns félagsins, Mason Greenwood.
Frá þessu greina enskir miðlar en Greenwood er ansi umdeildur í Manchester og var seldur þetta sumar.
Greenwood var ákærður fyrir kynferðislegt ofbeldi og líkamlegt ofbeldi í garð kærustu sinnar fyrir um tveimur árum og hefur ekkert leikið fyrir United síðan þá.
Marseille í Frakklandi hefur tryggt sér þjónustu sóknarmannsins sem er endanlega farinn frá Manchester.
Samkvæmt enskum miðlum er Yoro, sem kom frá Lille í sumar, að flytja inn í hús Greenwood í Manchester og mun hann borga um 2,4 milljónir króna í leigu á mánuði.
Yoro er aðeins 18 ára gamall en United hefur mikla trú á leikmanninum sem kostaði um 55 milljónir punda.