Manchester United er að undirbúa sig fyrir komandi tímabil í ensku úrvalsdeildinni og er í Bandaríkjunum þessa stundina.
Tímabilið á Englandi hefst eftir um tvær vikur en United mun leika við Real Betis og Arsenal í æfingaleikjum á komandi dögum.
Samkvæmt Daily Mail á United von á ansi góðum gest á næstunni en Hollywood stjarnan Gary Oldman mun heimsækja æfingabúðir félagsins.
Oldman er heimsfrægur leikari en hann hefur til að mynda unnið Óskarsverðlaun og er mikill knattspyrnuaðdáandi.
Oldman mun heimsækja leikmenn United á meðan þeir eru í Los Angeles og er ekki ólíklegt að hann láti sjá sig á einum leik.
Mail segir að önnur stjarna sé líklegt til að mæta á æfingar liðsins en það er leikkonan Julia Roberts sem verður mögulega sjáanleg í New Jersey á leik liðsins við Arsenal.