Brasilíska goðsögnin Zico er nú að vinna með lögreglunni í París eftir að hafa verið rændur í borginni á dögunum.
Frá þessu greinir Le Parisien en Zico er 71 árs gamall og er staddur í París að fylgjast með Ólympíuleikunum.
Þessi fyrrum landsliðsmaður Brasilíu segist hafa verið rændur á meðan hann var í leigubíl í París en sökudólgarnir eru ekki fundnir.
Zico vill meina að hann hafi tapað verðmætum upp á 74 milljónir króna sem gera um 420 þúsund pund.
Skartgripum og peningum var stolið úr leigubílnum en lögreglan í höfuðborginni gerir nú sitt besta í að finna ræningjana.
Zico er sérstakur gestur á Ólympíuleikjunum en brasilíska landsliðið tekur þátt á mótinu. Atvikið átti sér stað á fimmtudag.