Franska stórliðið Bordeaux hefur tekið ákvörðun um það að færa sig í 3. deild landsins eftir að hafa lent í 12. sæti í næst efstu deild í vetur.
Frá þessu greina franskir miðlar en Bordeaux er stórlið í Frakklandi og tekur heimavöllur liðsins 42 þúsund manns í sæti – völlurinn var til að mynda notaður á EM 2016.
Félagið er hins vegar í miklum fjárhagsvandræðum og er ekki lengur atvinnumannafélag vegna þess.
Bordeaux hefur sætt sig við stöðuna og samþykkir það að fara í þriðju efstu deild og mun losa alla leikmenn í sumarglugganum og byrjar upp á nýtt.
Bordeaux reynir allt til að forðast gjaldþrot og samþykkir því að færa sig niður um deild og verður æfingasvæðinu einnig lokað.
Bordeaux hefur verið atvinnumannafélag frá árinu 1937 og hefur unnið sex deildarmeistaratitla í Frakklandi en sá síðasti kom árið 2009.
Liðið tapaði alls 34 milljónum punda á síðustu leiktíð en launakostnaður leikmanna var um 21 milljón.