Ungur strákur hefur viðurkennt það að hann hafi tekið við peningum til að trufla úrslitaleik Meistaradeildarinnar í júní.
Strákurinn er ekki nefndur nafni en áhrifavaldur sem ber heitið Andrey Burim bauð ungum krökkum pening fyrir það eina að hlaupa inn á völlinn á Wembley.
Margir krakkar voru til í að reyna þá áskorun sem hafði að lokum neikvæð áhrif en strákurinn sem hefur tjáð sig opinberlega var ákærður.
Áhrifavaldurinn er harðlega gagnrýndur fyrir að bjóða ungum strákum sem og stelpum pening fyrir að brjóta lögin með þessum ‘´áskorunum.’
,,Ég bara ákvað að taka þátt í þessum hrekk og ég sé verulega eftir því, ég sé verulega eftir þessu,“ sagði strákurinn.
,,Þetta var mjög heimskuleg ákvörðun,“ bætti strákurinn við en honum var boðið rúmlega 50 milljónir króna fyrir verkefnið.
Burim er ekki búsettur á Englandi heldur í heimalandi sínu Rússlandi en hann mætti á leik Real Madrid og Dortmund á Wembley þann 1. júní.
Lögreglan hefur ekki náð tali af Burim sem er ansi umdeildur í heimalandinu og er í raun háður því að reyna að brjóta lögin.