Valur tekur á móti skoska liðinu St. Mirren í Sambansdeildinni í kvöld. Í liði gestanna munu íslenskir knattspyrnuáhugamenn sjá kunnuglegt andlit.
Um er að ræða leik í 2. umferð undankeppni Sambansdeildarinnar. Valur vann stórsigur á albanska liðinu Vllaznia í síðustu umferð en St. Mirren kemur inn á þessu stigi keppninnar.
Meira
Hundruðir Skota streyma til Íslands – Verð á flugmiðum rauk upp en fólk dó ekki ráðalaust
Í liði St. Mirren er Elvis Bwomono, varnarmaður sem spilaði með ÍBV í efstu deild hér á landi tímabilin 2022 og 2023.
Þessi landsliðsmaður Úganda lék með St. Mirren seinni hluta síðustu leiktíðar og hefur spilað báða leiki liðsins á undirbúningstímabilinu til þessa. Það er því ekki ólíklegt að hann komi við sögu í kvöld.
Leikur Vals og St. Mirren hefst klukkan 18:45 í kvöld.