Hann sagði frá þessu í þræði sem snýr að tölvuleiknum Football Manager. Hann hafði valið sér Breiðablik þar árið 2020 og skellti sér svo í heimsókn á Kópavogsvöll á dögunum. Þar sá kappinn liðið gera 1-1 jafntefli við ÍA.
Leon setti sig meira að segja í samband við Kristinn Steindórsson, leikmann Blika, og fékk svar. Kristinn var meira en til í að verða honum út um eiginhandaráritanir en að lokum fékk Leon ekki treyju á leikdegi þar sem þær voru uppseldar.
„Ég keypti samt tvær treyjur næsta dag. Búðin var reyndar lokuð en starfsmaður þar var til í að opna hana bara fyrir mig og unnustu mína þar sem þetta var síðasti dagurinn okkar á Íslandi,“ skrifar Leon.
Hann segir upplifunina á Kópavogsvelli hafa verið frábæra þó leikurinn hefði mátt vera betri af hálfu Blika.
„Þetta snerist meira um hvaða þýðingu þetta hafði fyrir mig, að sjá leikmennina sem ég hef fylgt síðan 2020 og á leikvanginum sem ég hef breytt í alvöru virki í Football Manager (við höfum farið í undanúrslit Meistaradeildarinnar og fært íslenskan fótbolta upp á hærra stig). Þetta var draumur að rætast.“
Eins og áður kom fram var unnusta Leon með honum í för á Íslandi, en það hafði verið draumur þeirra að heimsækja landið.
„Ég bað hennar meira að segja og hún sagði já! Við vorum hér í níu daga og ég get ekki komið því í orð hversu fallegt landið er.“
After randomly choosing a club in Iceland back in 2020, Breidablik, four years later I went to Iceland (from Brazil) to watch one of their matches!
byu/LeonButcher infootballmanagergames