Framtíð Ivan Toney, framherja Brentford, er áfram í óvissu. Kappinn á sér þó sinn draumaáfangastað.
Enski landsliðsmðaurinn á aðeins ár eftir af samningi sínum við Brentford og vill róa á önnur mið í sumar.
Toney hefur undanfarið verið orðaður við lið eins og Manchester United, Tottenham og West Ham.
Talksport segir hins vegar frá því í dag að Toney sjálfur vilji helst fara til Tottenham.
Ljóst er að það yrði mikill liðsstyrkur fyrir Norður-Lundúnafélagið. Talið er að það þurfi að reiða fram um 60 milljónir evra til að landa Toney.