Trent Alexander-Arnold sér framtíð sína hjá Liverpool þrátt fyrir mikla orðróma undanfarið um að hann gæti farið til Real Madrid.
The Sun segir frá þessu. Trent á aðeins ár eftir af samningi sínum og hefur Real Madrid mikinn áhuga á að fá hann. Félagið var opið fyrir því að fá hann frítt eftir ár.
Samkvæmt nýjustu fréttum hefur Trent hins vegar átt jákvætt samtal við Arne Slot, nýjan stjóra Liverpool, og er hann spenntur fyrir komandi tímum.
Þá er Liverpool sagt ætla að bjóða bakverðinum risasamning til að sannfæra hann um að vera áfram á Anfield.