Inter Milan er tilbúið að bjarga varnarmanninum Jacob Kiwior frá Arsenal en þetta segir Gazzetta dello Sport á Ítalíu.
Kiwior er landsliðsmaður Póllands en hann hefur heillað fáa í London og er ekki ofarlega á lista Mikel Arteta, stjóra enska liðsins.
Inter er að leita að örvfættum miðverði fyrir komandi tímabil og er Kiwior sagður vera líklegur kostur.
Arsenal er að fá Riccardo Calafiori frá Bologna sem þýðir að Pólverjinn mun fá enn minni spilatíma á næstu leiktíð.
Kiwior hefur spilað með Arsenal síðan 2023 en á þeim tíma hefur hann aðeins leikið 1594 mínútur fyrir félagið.