Zlatan Ibrahimovic, fyrrum leikmaður AC Milan, spilaði stórt hlutverk í að sannfæra sóknarmanninn Alvaro Morata um að koma til félagsins.
Það sama má segja um þjálfara liðsins, Paulo Fonseca, en þetta segir stjórnarformaður liðsins, Giorgio Furlani.
Það kom þónokkrum á óvart er Morata var kynntur sem nýr leikmaður Milan en hann kemur til félagsins frá Atletico Madrid.
Morata þekkir aðeins til Ítalíu eftir dvöl hjá Juventus en hann vann EM með spænska landsliðinu í sumar.
Zlatan er enn að hjálpa sínu fyrrum félagi þó skórnir séu komnir á hilluna en hann vinnur sem einhvers skonar ráðgjafi félagsins í dag.
,,Zlatan og Fonseca spiluðu stórt hlutverk í að sannfæra hann um að koma til Milan,“ sagði Furlani.
,,Zlatan veit hvað það þýðir að vera framherji AC Milan og Fonseca útskýrði hversu mikilvægur hann yrði í verkefninu.“