Cristiano Ronaldo var á allra vörum yfir og eftir leik Portúgala gegn Slóvenum í 16-liða úrslitum EM í gær. Þar hágrét hann eftir að hann klikkaði á víti í framlengingu en hans lið vann að lokum í vítaspyrnukeppni.
Hinn 39 ára gami Ronaldo er á mála hjá Al-Nassr í Sádi-Arabíu og er hann talinn langlaunahæsti leikmaður heims. Hann gekk í raðir Al-Nassr undir lok árs 2022 og er með 177 milljónir punda í árslaun. Það gera um 3,4 milljónir á viku.
Þetta þýðir að ef tími Ronaldo hjá Al-Nassr í heild er tekinn saman er hann búinn að þéna 265 milljónir punda, eða tæpa 47 milljarða íslenskra króna.
Ronaldo er samningsbundinn Al-Nassr út næsta tímabil en það hefur verið rætt að sá samningur verði framlengdur.