Kiernan Dewsbury-Hall er formlega genginn í raðir Chelsea frá Leicester. Hann gerir sex ára samning á Stamford Bridge.
Miðjumaðurinn hefur sterklega verið orðaður við Chelsea undanfarið. Hann fylgir stjóranum Enzo Maresca því yfir til Chelesa en þeir störfuðu saman hjá Leicester á síðustu leiktíð. Þar var Dewsbury-Hall lykilmaður er liðið rúllðaði yfir B-deildina.
Nú er Dewsbury-Hall mættur til Chelsea sem kaupir hann á 30 milljónir punda.
„Það er ótrúlegt að sitja hér sem leikmaður Chelsea. Þetta er félag sem fólk elst upp við að horfa á og dreymir um að spila fyrir. Ég er svo spenntur að byrja og sýna hvað ég get,“ segir Dewsbury-Hall eftir undirskrift.
Michael Golding, leikmaður Chelsea, fer í hina áttina fyrir 5 milljónir punda.
Introducing Kiernan Dewsbury-Hall to the Chelsea family! 👋 pic.twitter.com/u8Y4F386l0
— Chelsea FC (@ChelseaFC) July 2, 2024