Ofurparið Marc Bartra og Jessica Goicoechea hafa slitið sambandi sínu samkvæmt miðlum erlendis.
Bartra er knattspyrnumaður sem áður var á mála hjá stórliðum Barcelona og Dortmund en er nú á mála hjá Real Betis. Goicoechea er fyrirsæta og hafa þau verið saman síðan 2021.
Þau hafa oft verið í fréttum, síðast í vor þegar þau greindu frá samkomulagi þegar kemur að kynlífi þeirra. Sögðust þau stunda kynlíf á hverjum degi og ef þau misstu úr degi myndu þau bæta það upp með því að gera það tvisvar daginn eftir.
Nú er sambandinu hins vegar lokið en heimildamenn nálægt parinu segja viðskilnaðinn góðan.