Umboðsmaður hins eftirsótta Nico Williams fundaði með Deco, yfirmanni íþróttamála hjá Barcelona, í vikunni samkvæmt því sem kemur fram í spænskum miðlum.
Williams, sem er á mála hjá Athletic Bilbao, hefur verið orðaður við Barcelona undanfarið, sem og ensk stórlið á borð við Arsenal og Chelsea.
Kantmaðurinn knái fór á kostum með spænska landsliðinu sem vann EM í Þýskalandi á dögunum og fylgdi hann þar með eftir góðu tímabili í La Liga.
Barcelona virðist líklegsati áfangastaður Williams ef hann fer frá Athletic. Yrði hann þá sameinaður Lamine Yamal, en þeir hafa myndað eitrað tvíeyki með spænska landsliðinu.