Þjóðverjinn geðþekki Joachim Low hefur áhuga á að taka við enska landsliðinu ef marka má enska blaðið The Sun.
Gareth Southgate sagði starfi sínu lausu á dögunum eftir að hafa tapað úrslitaleik annað Evrópumótið í röð og enska knattspyrnusambandið því í þjálfaraleit.
Talið er að það vilji helst ráða Englending til starfa en það er ekki útilokað að útlendingur verði fyrir valinu.
Low er gríðarlega reynslumikill eftir að hafa stýrt þýska landsliðinu í áraraðir. Hann gerði þá meðal annars að heimsmeisturum 2014.
Low hætti eftir EM fyrir þremur árum og var síðasti leikur hans einmitt tap gegn Englandi í 16-liða úrslitum. Síðan hefur hann verið án starfs.