Sepp van den Berg, varnarmaður Liverpool, er á óskalista hollenska stórliðsins PSV samkvæmt fjölmiðlum þar í landi.
Hinn 22 ára gamli Van den Berg heillaði á láni hjá Mainz í Þýskalandi á síðustu leiktíð og vill PSV nú fá hann til heimalandsins.
Liverpool er talið vilja um 20 milljónir evra fyrir kappann en PSV vill borga nær 15-16 milljónir evra.
Það er ljóst að það myndi þó gera Van den Berg að dýrasta leikmanni í sögu hollenska félagsins.
Arne Slot, nýr stjóri Liverpool og samlandi Van den Berg, hefur þó talað vel um varnarmanninn og sagt að hann vilji halda honum.
Það verður því spennandi að sjá hvernig þessi mál þróast í sumar.
