Miðvörðurinn Leny Yoro er á leið til Englands þar sem hann mun gangast undir læknisskoðun og skrifa undir hjá Manchester United.
Helstu miðlar greina frá þessu, þar á meðal David Ornstein og Fabrizio Romano.
Yoro er aðeins 18 ára gamall og á mála hjá Lille, þaðan sem United kaupir hann á 52 milljónir punda en franska félagið hefur samþykkt tilboðið.
Það var talið að Yoro vildi heldur fara til Real Madrid, sem hafði einnig mikinn áhuga á honum. Spænska félagið taldi sig öruggt um að geta fengið hann og var einnig til í að bíða fram á næsta sumar er samningur hans við Lille rennur út.
United hefur hins vegar tekist að sannfæra hann og er þessi mjög svo spennandi miðvörður á leið á Old Trafford.